तेंदूपत्ता पारिश्रमिक राशि ले घर-परिवार के जरूरत होवत हे पूरा
तेंदूपत्ता सीजन 2024 म 36 हजार ले जादा सकेलईया मन ल 12 करोड़ रिपिया ले जादा पारिश्रमिक राशि के होवत हे भुगतान
रायपुर, 25 जुलाई 2024/ बस्तर अंचल म तेंदूपत्ता ल हरियर सोना माने जाथे, जेन वनांचल के सकेलईया मन के अकतहा आय के मुख्य जरिया हे। गर्मी के दिन म जब गांव वाले मन तीर न तो खेत मन म काम होवय अऊ नइ ही घर म कुछ काम, तब इही तेंदूपत्ता मने हरियर सोना के संग्रहण ओ मन ल मेहनत अउ संग्रहण के आधार म भरपूर पारिश्रमिक देथे। वनांचल म रहइया गांव वाले मन बर तेंदूपत्ता के प्रति मानक बोरा के दर म होए वृद्धि घलोक खुसी जगा देहे हे। प्रदेश के मुख्यमंत्री श्री विष्णुदेव साय कोति ले तेंदूपत्ता के प्रति मानक बोरा राशि 5500 रिपिया करे के बाद सकेलईया मन म अपार खुशी हे। उहें तेंदूपत्ता सकेलईया मन ल तेंदूपत्ता पारिश्रमिक राशि स्थानीय स्तर म बैंक सखी मन के माध्यम ले भुगतान होए के फलस्वरूप विशेषकर दूरस्थ ग्रामीण क्षेत्र मन के सकेलईया मन ल बहुत सहूलियत होवत हे। एला मद्देनजर रखत बस्तर कलेक्टर श्री विजय दयाराम के. के मार्गदर्शन म जिला के अंदरूनी इलाका के सकेलईया मन ल तेंदूपत्ता पारिश्रमिक राशि के भुगतान बैंक मित्र अऊ बैंक सखी मन के माध्यम ले करे जात हे। तेंदूपत्ता सीजन 2024 म संग्रहित तेंदूपत्ता के 36 हजार 229 सकेलईया मन ल 12 करोड़ 43 लाख 95 हजार 749 रिपिया पारिश्रमिक राशि गांव के बैंक मित्र अउ बैंक सखी मन कोति ले करे जात हे।
लोहण्डीगुड़ा विकासखंड के दूरस्थ ग्राम कुथर के तेंदूपत्ता संग्राहक आयतू अऊ बैसू तेंदूपत्ता संग्रहण करके ओला समिति म बेचे के काम कइ बछर ले करत हे। एक सीजन म तीन ले पांच ले आठ हजार रूपिया तक कमाई करइया ए सकेलईया मन के कहना हे कि ओ मन भिनसरहा ले संझा तक पाना तोड़के ओकर गड्डी तैयार करथें, फेर फड़ म ले जाके बेंचथें। ओखर अधिकांश समय जंगल म ही गुजरथे। मुख्यमंत्री कोति ले 04 हजार रूपिया प्रति मानक बोरा राशि के दर ल 05 हजार 500 रूपिया करे म खुशी जतात बैसू ह कहिस के एखर से ओखर जइसे बहुत अकन सकेलईया मन ल अच्छा लाभ मिले हे।
दरभा ब्लॉक के ग्राम पखनार के रहइया संग्राहक मासे मंडावी अउ सुकली मंडावी के कहना हे कि वो कई साल ले तेंदूपत्ता तोड़े के काम करत हे। सकेलईया मन के हित म 4000 के राशि 5500 रूपिया प्रति मानक बोरा होए म गरीब सकेलईया मन ल एखर से फायदा होए के बात कहीन। बकावंड ब्लॉक के डिमरापाल निवासी सुकरी नेताम ह बताइस कि वो खेती-किसानी के संगें-संग तेंदूपत्ता संग्रहण के काम कई साल ले करत हे। गांव म तेंदूपत्ता संग्रहण ले गर्मी के दिन म कुछ कमाई हो जाथे। एक-एक पाना ल तोड़के बण्डल बनाए म मेहनत लगथे। शासन ह सकेलईया मन के परिश्रम के महत्व ल समझत राशि बढ़ाए हे जेन सराहनीय हे।
ए ग्रामीण सकेलईया मन ह बताइस कि मुख्यमंत्री से तेंदूपत्ता सकेलईया मन बर प्रति मानक बोरा दर 4000 रिपिया ले बढ़ाकर 05 हजार 500 रूपये करे जाय ले सकेलईया मन ल राहत मिल रही हे। बकावंड डिमरापाल के संग्राहक सैयतो यादव ह बताइस कि गांव तीर ही मरहान अऊ जंगल हे। आसपास के क्षेत्र म तेंदूपत्ता संग्रहण आसानी ले हो जात हे। तेंदूपत्ता संग्रहन ले राशि मिलती हे तो घर-परिवार के जरूरतें होती हे। ये वाले ग्रामीण सकेलईया मन बर अकतहा आमदनी के मुख्य जरिया हे। एखर प्रकार तेंदूपत्ता सकेलईया मन बर प्रति मानक बोरा दर म वृद्धि ले जिला के वनांचल म रहन वाले सबो तेंदूपत्ता सकेलईया मन ल सुखद अनुभूति हो गीस हे।
बैंक मित्र पखनार रामो कुंजाम ह बताइस कि वो ईलाका के 05 ग्राम पंचायत के 250 ले जादा तेंदूपत्ता सकेलईया मन ल तेंदूपत्ता पारिश्रमिक राशि के भुगतान कर डरे हे। उहें लोहण्डीगुड़ा ब्लॉक के कस्तूरपाल के बैंक मित्र सामू कश्यप ह 50 ले जादा सकेलईया मन अउ बस्तर विकासखण्ड के भानपुरी के बैंक सखी जमुना ठाकुर ह 56 ले जादा सकेलईया मन ल भुगतान करे हे। उहें बकावंड ब्लॉक के डिमरापाल के बैंक सखी तुलेश्वरी पटेल अब तक डिमरापाल अउ छिंदगांव के 90 ले जादा तेंदूपत्ता सकेलईया मन ल डेढ़ लाख रिपिया ले जादा के भुगतान कर डरे हे।
जिला के 15 समिति मन के तेंदूपत्ता सकेलईया मन ल बैंक सखी मन ह कर डरे हें भुगतान
वनमंडलाधिकारी अउ प्रबंध संचालक जिला सहकारी यूनियन जगदलपुर श्री उत्तम गुप्ता ह बताइस कि जिला के सबो 07 विकासखण्ड मन के अंतर्गत 15 प्राथमिक वनोपज सहकारी समिति मन के कुल 36 हजार 229 सकेलईया मन ल 12 करोड़ 43 लाख 95 हजार 749 रिपिया पारिश्रमिक राशि अपन गांव के बैंक मित्र अउ बैंक सखी मन ह भुगतान करे हें। जेखर तहत लोहण्डीगुड़ा ब्लॉक के 13 ग्राम पंचायत के 1947 सकेलईया मन ल 79 लाख 47 हजार 665 रिपिया, तोकापाल विकासखण्ड के एक ग्राम पंचायत के 76 सकेलईया मन ल 03 लाख 36 हजार 193 रिपिया, बास्तानार ब्लॉक के 22 ग्राम पंचायत के 1831 सकेलईया मन ल 79 लाख 69 हजार 995 रिपिया, बस्तर विकासखण्ड के 65 ग्राम पंचायतों के 10 हजार 78 सकेलईया मन ल 02 करोड़ 68 लाख 72 हजार 736 रिपिया, दरभा ब्लॉक के 21 ग्राम पंचायतों के 1782 सकेलईया मन ल एक करोड़ 37 लाख 71 हजार 934 रिपिया अउ बकावंड विकासखण्ड के 86 ग्राम पंचायत के 16 हजार 510 सकेलईया मन ल 05 करोड़ 45 लाख 47 हजार 614 रिपिया पारिश्रमिक राशि के भुगतान स्थानीय बैंक सखी मन से करे जात हे। जेखर से जहां ग्रामीण सकेलईया मन ल भुगतान प्राप्त करे म सुविधा होए हे, उहें ए बैंक सखी मन ल घलोक अच्छा कमीशन राशि मिले हे।
